ДУШАНБЕ, 21 фев — Sputnik. Қурби ҳазор рубли Русия дар Тоҷикистон ба 144,8 сомонӣ баробар шудааст, иттилоъ дод БМТ.
Бар асоси арзнома, қурби расмии ҳазор рубли Русия давоми як рӯзи охир 2,3 сомонӣ боло рафтааст.
Дар баробари ин нархи асъори дигар, аз ҷумла доллари ИМА низ каме боло рафта, феълан ба 10.6838 сомониро ташкил медиҳад.
Арзиши як евро низ дар бозори асъори Тоҷикистон майли болоравӣ дошта, дар сатҳи 11.4146 сомонӣ қарор гирифтааст.
БМТ таъкид намудааст, ки қурби миёнаи фурӯши асъори хориҷии нақд дар муассиcаҳои молиявии кишвар боло рафтааст.
Аз ҷумла 1 доллари ИМА ба ивази 10.6838 то 10.8200 сомонӣ ва 1 евро аз 11.4146 то 11.6000 сомонӣ харидфурӯш мешавад.
Ташкилотҳои қарзии Тоҷикистон нархи харидуфурӯши ҳазор рубли Русияро феълан аз 144,8 сомонӣ то 147,5 сомонӣ муқаррар кардаанд.
БМТ огоҳ менамояд, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст.
Ин ниҳод ҳушдор додааст, ки риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, ҷавобгарии маъмурӣ ва ҷиноятӣ дар пай дорад.