ДУШАНБЕ, 20 фев — Sputnik. Раисҷумҳури Амрико Ҷо Байден ба Киев сафар кардааст, иттилоъ додааст хабаргузории РИА “Нвосоти”.
Кишвардори Украина Владимир Зеленский сафари президенти ИМА Ҷо Байден ба Киевро тасдиқ карда, онро як зуҳури муҳими пуштибонӣ аз украиниҳо номид.
Ёдоварӣ мекунем, ки ахиран расонаҳои украинӣ хабар доданд, ки Ҷо Байден вориди пойтахти Украина шудааст.
"Ҷозеф Байден, хуш омадед ба Киев! Боздиди шумо як зуҳури бениҳоят муҳими пуштибонӣ барои ҳамаи украиниҳост", — навиштааст Зеленский дар саҳифаи Telegram-и худ.
Аввалин навори Байденро дар майдони Михайловская расонаӣ шуд, ки дар он раҳбари Амрико зери садои ҳамлаи ҳавоӣ қадам мезанад.
Ба гуфтаи Кристофер Миллер, хабарнигори Financial Times, Ҷо Байден субҳи барвақт бо қатора вориди Киев шуд.
Қаблан расонаҳои украинӣ хабар доданд, ки ба далели вуруди ҳайатҳои хориҷӣ кӯчаҳо дар маркази пойтахт баста шудаанд.
Баъдан вакили парлумони Украина Олександр Дубинский гуфт, гӯё ин ба сафари мудири Сандуқи Байналмилалии Пул Кристалина Георгиева рабт дорад.
Раисиҷумҳури ИМА Ҷо Байден сафари дурӯзаи худро аз Лаҳистон оғоз хоҳад кард ва дар ҷараёни он бо раҳбарони кишварҳои шарқии НАТО мулоқот кунад ва дар бораи низоъ дар Украина сӯҳбат анҷом диҳад.
Тавре қаблан Касри Сафед хабар дода буд, сафар то 22 февраль давом хоҳад кард. Байден дар чаҳорчӯби сафари худ ба ин кишвар бо Анжей Дуда, раисҷумҳури Лаҳистон ва ҳамчунин, бо "роҳбарони кишварҳои шарқии НАТО" мулоқот кунад.