Пас аз 10 рӯз баъд аз заминларза маргбору харобовар хабарнигорони Sputnik ба вилоятҳои мухталифи Туркия рафтанд ва харобиҳои Ҳатай, Қаҳрамонмараш, Диёрбакир, Малатия, Адияман, Аданаро ба навор гирифтанд.
Ниҳодҳои Туркия фавран аз ҷараёни корҳои наҷотдиҳӣ хабар медиҳанд ва ҳамчунин кумакҳои башардӯстона ба ниёзмандон ҷамъоварӣ ва тақсим мекунанд ва ба гурӯҳҳои ҷустуҷӯ ва наҷотдиҳӣ кумак мекунанд.
Танҳо пас аз 10 рӯз аз заминларза рӯзноманигорон тавонистанд, манотиқи осебдидаи Туркияро бо чашми паранда ба навор гиранд.
Дар аксари шаҳрҳо корҳои ҷустуҷӯии наҷотёфтагон аз зери харобаҳои биноҳо идома дорад, аммо зинда пайдо кардани одамон пас аз 10 рӯзи офати табиӣ ҳоло монанди як мӯъҷиза аст.
Раисиҷумҳури Туркия Раҷаб Тайиб Эрдуғон ахиран гуфт, дар ҷараёни амалиёти ҷустуҷӯӣ ва наҷот беш аз 8000 нафар аз зери харобаҳои биноҳо наҷот дода шуданд, дар ҳоле ки шумораи кушташудагон дар ҳоли ҳозир ба 35418 нафар расидааст.
Кишвардори Туркия гуфт, заминларзаҳои рӯзи 6 феврал аз лиҳози қурбониён ва харобиҳои заминларзаи соли 1939 бештар будааст ва дар таърихи Туркия ин бори аввал аст.