ДУШАНБЕ, 15 фев – Sputnik. Гармшавии ҳаво хатари тармафароиро зиёд намуда зарурати маҳдуд кардани ҳаракати нақлиёт дар роҳи Душанбе — Чаноқро пеш оварданд, иттилоъ додааст филиали "Инновейтив Роуд Солюшнз ЛТД" дар Тоҷикистон.
Ҳамзамон масъулони ин ширкат хабар додаанд, ки боронҳои беист сабаби манъи ҳаракати нақлиёт дар ин шоҳрон низ шудааст.
Ба иттилои манбаъ, имрӯз бинобар бартарафсозии тармаҳо давоми 1 соат ду маротиба гузариши мошинҳо манъ карда шуд.
“Бояд дар мадди назар дошт, ки дар қиёс ба рӯзҳои қаблӣ хавфи тармафароӣ хеле зиёд аст. Имрӯз теъдоди онҳо аз 10 — то гузашта, ин раванд бардавом мебошад. Дар айни замон бинобар омилҳои гуфташуда ҳаракати нақлиёт, хосса мошинҳои боркаши ядакдор ва фураҳо маҳдуд карда шудааст”,- гузориш доданд дар филиали мазкур.
Ширкат аз шаҳрвандон хоҳиш намудааст, ки моҳияти иқдоми мазкур — таъмини бехатарии онҳо ҳангоми убури роҳи Душанбе — Чаноқро дарк намуда, зимни ҳаракат бодиққат бошанд.