Заминларза субҳи 6 феврал дар ҷануби Туркия дар Қаҳрамонмараш ба вуқӯъ пайваст, манотиқи атрофро низ такон дод.
Ба гуфтаи зилзилашиносон, маркази заминларза дар умқи 18 километр, тақрибан 33 километрии шаҳри Газиантеп будааст.
Сурия низ дар пайи ин офат осеб дид. Дар он ҷо, ҳамон тавре, ки дар шаҳрҳои Туркия хонаҳо тахриб шудаанд, мақомот аллакай дар бораи садҳо қурбонӣ иттилоъ доданд.
Дар бораи қурбониёни заминларза дар шаҳрҳои шимолии Сурия - Алеппо, Латакия ва Хамо гузориш дода шудааст.
Заминларза дар Кипр, Лубнон ва ҳатто Миср эҳсос карда шудаст.
Дар шаҳри Адана дар ҷануби Туркия биноҳои истиқоматии 17 ва 14-ошёна комилан фурӯ рехтаанд.
Пизишкон ва гурӯҳҳои ҷустуҷӯӣ-наҷотдиҳӣ ба маҳалли харобшуда дар Туркия рафтанд. Дар бархе минтақаҳои ҳолати баланди изтирорӣ эълон гардид.
Дар зери харобазорҳо ҳазорон нафаре буданд, ки ҳангоми заминларза ҳанӯз дар хоб буданд. Наҷотдиҳандагон аз зери хонаҳои харобшуда, қурбониёнро мебароранд.
Дар пайи эълони ҳолати изтирории дараҷаи баланд, мақомот ба ҷомеаи байналмилалӣ барои бартарафсозии оқибатҳо муроҷиат кардаанд.
Бино ба маълумоти муқаддамотӣ, ин заминларза қавитарин аз соли 1995 инҷониб мебошад.
Раисиҷумҳури Туркия Раҷаб Тайиб Эрдуғон ба ҳамаи шаҳрвандони аз заминларза осебдида изҳори ҳамдардӣ кард.
Вай изҳори умедворӣ кард, ки кишвар ин офати табииро бо талафоти кам ва ҳарчи зудтар паси сар хоҳад кард.