ДУШАНБЕ, 27 янв — Sputnik. Ҳаҷми гардиши мол миёни Тоҷикистону Ӯзбекистон дар соли гузашта 674,4 миллион долларро ташкил дод, ки нисбат ба як сол қабл рушди 11,3 дарсадӣ зиёд будааст, иттилоъ додааст хабаргузории “Форс” дар истинод ба Кумитаи давлатии омори Ӯзбекистон.
Кумита мазкур хабар додааст, ки содироти маҳсулоти тоҷикӣ дар соли гузашта ба ин кишвар 154,5 миллион долларро ташкил дода, ки нисбат ба соли 2021 рушди 49,1 дарсадӣ доштааст.
Воридоти колоҳои Ӯзбекистон ба Тоҷикистон дар ин давра бо рушди 3,5 дарсадӣ дар қиёс ба соли 2021 ба 519,9 миллион доллар расидааст.
Тоҷикистону Ӯзбекистон дар солҳои барои тавсеаи равобити тиҷорӣ ва иқтисодӣ таваҷҷуҳи зиёде зоҳир мекунанд. Тоҷикистон асосан ба Ӯзбекистон барқ, семент ва нахи пахтаро содир ва гази табиӣ, дорӯҳои менералӣ, фаровардаҳои нафтӣ, лавозими хонагӣ ва ғайраро ворид мекунад.
Ёдовари мекунем, ки чанде пеш Агентии омори Ӯзбекистон хабар дода буд, ки Тоҷикистон миёни кишварҳое, ки саҳми зиёди содирот ба Ӯзбекистонро доранд, дар ҷои шашум қарор дорад.
Ин манбаъ таъкид карда буд, ки мубодилаи мол миёни Тоҷикистон ва Ӯзбекистон пас аз ба сари давлат омадани Шавкат Мирзиёев беш аз 7 маротиба — аз каме бештар аз 70 миллион доллар дар соли 2016 то ба беш аз 500 миллион доллар дар соли 2022 афзоиш ёфт.