Сардиҳои шадидтарин ба Эрон низ расид, ки сокинони кишвар беш аз 10 сол боз надида буданд.
Дар баъзе маҳаллаҳо ҳарорати ҳаво то -27 дараҷа паст шуд. Кормандони идораҳои коммуналӣ дар бартараф кардани боришот мубориза мебаранд.
Сардиҳо боиси норасоиҳо дар кори инфрасохтори шаҳр гашт. Ҳазорон бино бе гармиву газ монданд.
Аз ҷумла, интиқоли газ ба 90 000 муштарӣ дар устони Хуросони Разавӣ дар шимолу шарқи Эрон қатъ шудааст.
Бар асари сармои шадид дар вилояти Луристон тамоми идораҳои давлатӣ баста шудаанд. Дар вилояти Гилон кори идораю банкхо қатъ гардид.
Теҳрон сардтарин рӯзҳоро аз оғози зимистон аз сар гузаронид, аммо ин монеъи сайругашти сокинони маҳаллӣ намешавад.
Дар ҳамин ҳол, мақомоти Эрон хостори бастани мактабҳо, ниҳодҳои давлатӣ ва бархе аз корхонаҳои хусусӣ шудаанд.
Илова бар ин, бориши барфи зиёд ва яхбандӣ дар хати парвоз дар фурудгоҳи Машҳад боиси лағви қариб 60 парвоз шуд.