ДУШАНБЕ, 16 янв — Sputnik. Ҷилавгирӣ аз ҳамалоти террористӣ танҳо вазифаи толибҳо нест ва бояд ҳамаи масъӯлияти худро адо кунанд то ин фоҷеа хотима ёбад, гуфт муовини сиёсии вазорати хориҷаи ҳукумати толибҳо Шермуҳаммадаббос Станакзай дар маросими қурбониёни ҳамла ба вазорати хориҷа Афғонистон.
Вай бо ишора ба хурӯҷи мардум аз Афғонистони изҳор дошт, ки тарки кишвар роҳи ҳал нест.
“Мухолифатҳо бояд канор гузошта шавад ва барои ҳали мушкилоти Афғонистон бояд ҳама муттаҳид шаванд”, - гуфт оқои Станакзай.
Вай илова кард, ки заминаи тарки Афғонистон шояд барои бархе мусоид бошад.
“Ҷилави касе гирифта нашудааст аммо ин роҳ ҳал нест. Иззат дар ҳузур дар ин кишвараст”, - таъкид кард ӯ.
Муовини сиёсии вазорати хориҷаи ҳукумати толибҳо афзуд, афроде, ки дар Афғонистон ҳузур доранд бояд барои ҳали мушкилоти кишвар саҳимгузор бошанд.
Ёдовари мекунем, ки ҳамлаи ҳафтаи ҷорӣ дар муқобили вазорати хориҷаи Афғонистони даҳҳо куштау захмӣ барҷо гузошт.
Дар ҳамин ҳол, масъулияти ин ҳамларо ДОИШ (Созмони мамнуъ дар қаламрави Русия) бар ӯҳда гирифт.