Кишварҳои ИДМ омодаанд масъалащои мушкилро ҳал кунанд, гуфт раисҷумҳури Русия Владимир Путин дар нишасти ғайрирасмии сарони ИДМ дар шаҳри Санкт-Петербург.
Яке аз самтҳои муҳими ҳамкориҳои кишварҳои ИДМ, ба гуфтаи Путин, таъмини амният ва субот дар минтақаи Авруосиё мебошад.
"Мутаассифона, чолишҳо ва таҳдидҳо дар ин замина, сол а сол пеш аз ҳама аз хориҷ бештар мешавад. Мо бояд иқрор кунем, ки ихтилофот байни кишварҳои узви Иттиҳод низ вуҷуд дорад. Аммо чизи асосӣ дар он аст, ки мо омодаем ва ҳамкорӣ хоҳем кард. Ҳатто агар баъзе масъалаҳои мушкил ба миён оянд ҳам, мо барои ҳалли онҳо бо кумаки дӯстона ва миёнаравӣ талош хоҳем кард”, - гуфт Путин.
Ба гуфтаи ӯ, кишварҳои ИДМ дар мубориза бо терроризму ифротгароӣ, ҷиноятҳои фаромарзӣ, қочоқи маводи мухаддир ва фасод ҳамкории созанда доранд.
Рӯзҳои 26-27 декабр дар шаҳри Санкт-Петербург нишасти ғайрирасмии сарони кишварҳои ИДМ ҷараён дорад.