ДУШАНБЕ, 23 дек – Sputnik. Дар маҷмуъ зиёда аз 50 дидбонгоҳи марзӣ дар Тоҷикистон аз сӯи соҳибкорони кишвар бунёд шуда истодаанд.
Дар ин бора раисҷумҳури Тоҷикистон, Эмомалӣ Раҳмон зимни ироаи паёми солона ба парлумон иттилоъ дод.
Ӯ гуфт, вақте суҳбатҳояшро дар мавриди зарурати ҳифзи марзи Тоҷикистон шуниданд, соҳибкорон худашон барои бунёди иншооти низомӣ ташаббус нишон додааст.
Ба иттилои раисҷумҳур феълан бунёди зиёда аз 30 дидбонгоҳи сарҳадӣ бо саҳми соҳибкорон шуруъ шуда, беш аз 20 адади дигар дар нақшаанд.
"Дар маҷмуъ зиёда аз 52 дидбонгоҳ месозанд. Худашон шуруъ карданд, ман аз ягон кас талаб накардам", - изҳор дошт Раҳмон.
Қаблан раисҷумҳури Тоҷикистон, Эмомалӣ Раҳмон аз хатарҳои бархоста аз Афғонистон ҳушдор дода, таъкид намуд, ки тайи 2 соли охир дар марз бо ин кишвар 175 иншооти сарҳадӣ сохта ба истифода дода шудаанд.
Вай афзуд, ки феълан сохтмони 30 иншооти дигар идома дошта, лозим аст, ки дар оянда боз 300 иншооти марбута бунёд карда шаванд.
Раҳмон ҳамчунин татбиқи ташаббуси Тоҷикистон - консепсияи "камарбанди амниятӣ" дар атрофи Афғонистон ба манзури пешгирӣ ва коҳиш додани пайомадҳои хатару таҳдидҳоро таъкид намуд.