ДУШАНБЕ, 13 дек — Sputnik. Гуфтугӯи телефонии вазирони корҳои хориҷии Тоҷикистон Сироҷиддин Муҳриддин ва Русия Сергей Лавров баргузор гардид, иттилоъ додааст дафтари матбуоти вазорати умури хориҷии Тоҷикистон.
Тибқи иттилои манбаъ гуфтугӯи телефонӣ бо ташаббуси ҷониби Русия сурат гирифтааст.
Қайд карда шудааст, ки вазирон масъалаҳои алоҳидаи муносибатҳои Тоҷикистону Русия ва рафти иҷрои нақшаи чорабиниҳо оид ба таҷлили 30-юмин солгарди муносибатҳои дипломатиро баррасӣ намуданд.
“Дар рафти суҳбат мубодилаи афкор атрофи ҳамкории ду кишвар дар доираи СҲШ, ИДМ, СААД ва дигар созмонҳои байналмилалӣ сурат гирифт”,- таъкид кардааст вазорати хориҷа.
Зикр гардида аст, ки гуфтугӯ дар руҳияи ҳусни тафоҳум баргузор гардид.
Ёдовар мешавем, ки тибқи иттилои Вазорати рушди иқтисоди Русия, гардиши мол миёни Русия ва Тоҷикистон дар 8 моҳ нисбат ба соли 2021 беш аз 22 дарсад афзоиш ёфта, 922,6 миллион долларро ташкил додааст.
Дар маҷмӯъ, дар соли 2021 кишварҳо 1,2 миллиард доллар тиҷорат кардаанд, ки нисбат ба соли 2020 45% афзоишро нишон медиҳад.