ДУШАНБЕ, 10 дек — Sputnik. Русияро дар озмуни солонаи "Зебосанами ҷаҳон - 2022" духтари зодаи Тоҷикистон муаррифӣ мекунад, хабар медиҳад ТАСС бо такя ба намояндагони созмондиҳандагони ҷониби Русия.
"Русияро дар ин мусобиқа Яна Трофимоваи 31-солаи сибирӣ намояндагӣ мекунад", - омадааст дар хабарнома
Айёми бачагӣ ва ҷавонии ӯ дар Сибир гузашта, ҳоло дар Москва зиндагй мекунад.
Трофимова дар Душанбе ба дунё омадааст, вале камтар аз як моҳ оилааш ба Новокузнетск кӯчид. Дар вилояти Кемерово Яна ба факултаи ҳуқуқшиносӣ дохил шуд. Пас аз хатми таҳсил вай аз рӯи ихтисоси худ кор карда, сипас ба ҳайси директори ҳудудии бренди бузурги байналмилалии косметикӣ кор кардааст.
Сипас духтар тасмим гирифт, ки ба тиҷорат равад ва лоиҳаи худро дар соҳаи зебоӣ таҳия кард. Ҳоло оиладор аст ва дар пойтахти Русия зиндагӣ мекунад.Трофимова ду духтар дорад.
Қаблан ӯ аллакай соҳиби унвонҳои баланд дар соҳаи зебоӣ шуда буд: соли 2009 унвони "Мисс Кузбасс"-ро гирифт, як сол баъд дар "Мисс Русия" ширкат ва дар соли 2021 "Хонуми Русия" гардид.
"Зебосанами ҷаҳон" як озмуни зебоӣ барои занони шавҳардор аст. Он хамчун спектакли тематикии театрй ташкил карда шудааст. Дар намоишгоҳи байналмилалии зебоӣ низ ба андешаҳои занон дар бораи масоили оила ва издивоҷ таваҷҷӯҳи хоса зоҳир мешавад. Аввалин озмун соли 1984 дар Австралия баргузор шуда буд.