ДУШАНБЕ, 5 дек — Sputnik. Доманаи даргириҳо дар марзи Тоҷикистону Қирғизистон густардатар мешавад ва аз шиддат гирифтани вазъ бояд худдорь кард.
Дар ин бора дабири кулли СПАД Станислав Зас зимни нишасти Ассамблеяи парлумонии ин созмон дар Маскав изҳор дошт.
“Мо ба шиддат гирифтани вазъ дар марзи Тоҷикистону Қирғизистон аҳамияти хос медиҳем. Мутаасифона рӯзҳои 14-15 сентябр даргириҳои ҷиддӣ сар зад, ки боиси марги чандин нафар шуд. Доманаи даргириҳо дар марзи Тоҷикистону Қирғизистон, шумори гурезагон ва кушташудагон густардатар мешавад – ин гуна набояд бошад”, - гуфт ӯ.
Ба гуфтаи Зас, СПАД метавонад барои ба эътидол овардани вазъ дар ҷамоати деҳоти Ворух кумак намояд. Барои ин тарафҳо бояд бораи мувофиқи мақсад будани дахолати қувваҳои байналмилалии сулҳҷӯ ба мувофиқа бирасанд.
Ёдовар мешавем, ки Зас аллакай ба СПАД барои ба эътидол овардани вазъ дар марз кумак пешниҳод карда буд.
Муноқишаи навбатӣ миёни Тоҷикистону Қирғизистон аз 14 то 16 сентябр сурат гирифт. Дар натиҷаи задухӯрдҳо аз ҳар ду тараф даҳҳоо куштаю захмӣ шуданд.
Душанбе ва Бишкек ҳодисаи марзиро фалокатбор унвон карданд. Новобаста аз музокироти сарони давлатҳо дар Остона, то ҳол вазъ комилан ҳал нашудааст.