ДУШАНБЕ, 3 дек — Sputnik. Вазорати нақлиёти Тоҷикистон ибтикори рейд алайҳи мошинҳои таксӣ дар Душанбе нашудааст. Ин изҳорот дар вебсайти Вазорати нақлиёти Тоҷикистон нашр шудааст.
"Вазорати нақлиёт оид ба ин масъала ягон санади ҳуқуқӣ ва қарор қабул накардааст", - омадааст дар хабар.
Амалиёти мазкур аз ҷониби сохторҳои дахлдор тибқи талаботи соҳавӣ ҷиҳати таъмини бехатарии ҳаракат дар роҳ гузаронида мешавад, иттилоъ медиҳад дафтари матбуоти раёсат.
Қаблан пулиси роҳи Душанбе низ сарусадоҳо дар бораи рабт доштани рейдҳо бо бардошти рақамҳои давлатӣ аз мошинҳои таксиҳо ба манъи ҳаракати мошинҳои то соли 2016-ро рад карда буд.
Бахтиёр Вайсзода, сардори Раёсати БДА-и шаҳри Душанбе гуфт, "бардоштани мошинҳои то соли 2016 тавлидшуда, ки имрӯз миёни ронандагон сару садоҳои зиёдеро ба бор оварда буд, асоси воқеӣ надорад".
Ба гуфтаи ӯ, ҳамасола чорабиниҳои мақсаднок, аз қабили "Амалиёти пиёдагардон", "Истгоҳ", "Автобус" баргузор мешаванд.
Ҳамин тарқ кормандони БДА ҳолати техникӣ, дараҷаи ба давраи зимистон тайёр будани мошинҳоро тафтиш мекунанд.
Гуфта мешавад, пас аз ислоҳи нуқсонҳо рақамҳои давлатӣ ба ронандагон баргардонда мешавад.
Ин дар ҳолест, ки дар Тоҷикистон сару садоҳо паҳн шуданд, ки пулиси роҳ ҳаракати мошинҳои то соли 2016- ро дар Душанбе дигар иҷозат намедиҳад.