ДУШАНБЕ, 2 дек — Sputnik. Садри аъзами Олмон, Олаф Шолтс, дар гуфтугӯ бо раисҷумҳури Русия Владимир Путин, аз ӯ хостааст, ки ҳарчӣ зудтар роҳи ҳалли дипломатии низоъ дар Украинаро пайдо кунад, иттилоъ додааст Штеффен Ҳебештрайт, сухангӯи кобинаи Олмон.
"Садри аъзами Олмон аз раисиҷумҳури Русия хост, ки ҳарчӣ зудтар роҳи ҳалли дипломатӣ, аз ҷумла хуруҷи нерӯҳои Русия аз Украинаро пайдо кунад", - гуфт Ҳебештрайт.
Тарафҳо ба мувофиқа расиданд, ки дар тамос бошанд.
Дар ҳамн ҳол, манбаъ қайд кардааст, ки садри аъзами Олмон ва раисҷумҳури Русия тақрибан як соат танҳо вазъи Украина ва оқибатҳои онро баррасӣ карданд.
"Субҳи имрӯз садри аъзам Олаф Шолтс бо Владимир Путин, раисҷумҳури Русия гуфтугӯи телефонӣ дошт. Гуфтугӯи яксоата ба низоъи Русияву Украина ва паёмадҳои он бахшида шуда буд", — иттилоъ додааст манбаъ.
Ба гуфтаи кобинаи вазирони Олмон, садри аъзам ҳамлаҳои ҳавоии Русия ба зербиноҳои ғайринизомии Украинаро маҳкум карда Таъкид кардааст, ки Олмон ба Украина дар таъмини тавоноии дифоъии худ кумак хоҳад кард".