ДУШАНБЕ, 1 дек – Sputnik. Намояндагони кишварҳои ИДМ дар 25-умин ҷаласаи Комиссияи муштараки кишварҳои узви ИДМ дар бораи мубориза бо муҳоҷирати ғайриқонунӣ масъалаҳои пурзӯр кардани назорат бар ҷараёни муҳоҷиратро баррасӣ карданд, иттилоъ адодааст хадамоти матбуоти Кумитаи иҷроияи ИДМ.
Намояндагони кишварҳои ИДМ ба такмил додани механизмҳои мавҷуда диққати ҷиддӣ доданд .
Дар ҷаласаи маҷозӣ намояндагони Русия, Беларус, Қазоқистон, Озарбойҷон, Арманистон, Қирғизистон, Молдова, Тоҷикистон ва Ӯзбекистон, намояндагони Шӯрои вазирони корҳои дохилии кишварҳои ИДМ ва Кумитаи иҷроия ИДМ ҳузур доштанд.
Дар ин ҷаласа қайд гардид, ки муваффақияти мубориза бо муҳоҷирати ғайриқонунӣ бештар аз ҳамкории мутақобилаи мақомотҳои дахлдори кишварҳои ИДМ вобаста аст.
Ба гуфтаи иштирокдорон дар ҳоли ҳозир идомаи мубориза бо нақзи қонуни муҳоҷират дар кишварҳои муштаракулманофеъ хеле муҳим аст.
Иштирокчиёни вохӯрӣ дар бораи чорабиниҳое, ки дар давлатҳои дахлдор дар доираи мубориза бо ҷараёни муҳоҷирати ғайриқонунӣ, бахусус дар соҳаи фаъолияти меҳнатии ғайриқонунӣ амалӣ мегарданд, маълумот доданд.
Қайд шудааст, ки ба пешниҳодҳои пурзур намудани кори сохторҳо соҳаҳои дар боло зикршуда бояд диққаат дода шавад.