ДУШАНБЕ, 29 ноя — Sputnik. Дар Қатар бозиҳои навбатии даври 2-юми марҳилаи гурӯҳии Ҷоми ҷаҳонии футбол-2022 ба поён расид, ки дар он дастаҳои гурӯҳҳои G ва H бозӣ карданд.
Натиҷаи бозии рӯзи 28 ноябр дар ин ду гурӯҳ чунин тақсим карда мешавад:
Гурӯҳи G
Камерун – Сербия – 3:3;
Бразилия — Швейцария — 1:0.
Гурӯҳи H
Кореяи Ҷанубӣ – Гана – 2:3;
Португалия — Уругвай — 2:0.
Дар вохӯрии рӯз Камерун ва Сербия мухлисонро бо шаш гол якбора шод гардонданд, онҳо баробар шуданд — 3:3. Ҳамин тариқ, дастаҳо 1 хол ба даст оварда, ба гурӯҳи G наздик шуданд.
Дастаи мунтахаби Бразилия пас аз шикасти тими Швейтсария барои як даври пеш аз анҷоми марҳилаи гурӯҳӣ ба худ роҳхат ба плей-оффи Ҷоми ҷаҳониро кафолат дод. Бозии нисбатан баробар бо ҳисоби ҳадди ақал анҷом ёфт. Голи ғалабаро Каземиро дар дақиқаи 83-юм ба самар расонд.
Шавқовартарин бозии ин рӯз бозии Гана ва Кореяи Ҷанубӣ буд. Пас аз нимаи аввал футболбозони африқоӣ бо бартарии хуб ду тӯб зада, ба танаффус баромаданд. Дарҳол баъди танаффус вазъият дар майдон ба куллӣ тағйир ёфт. Кореягиҳо зуд ҳисобро баробар карданд. Вале футболбозони Гана зуд пешсафиро ба даст оварданд. Бозӣ бо ҳисоби 3:2 анҷом ёфт,.
Тими миллии Португалия сеюмин тими (пас аз Фаронса ва Бразилия) шуд, ки ба плей-офф дар Ҷоми ҷаҳонии Қатар роҳ ёфт.