Дастаҳои Русия ва Тоҷикистон тамрини асосиро пеш аз бозии дӯстонаи дарпешистода анҷом доданд.
Бояд гуфт, ки бозингарони ҳар ду даста азму иродаи қавӣ доранд, ки ғалаба ба даст оранд, мақсади асосии онҳо дар назди ҳаводорон нишон додани натиҷаи беҳтарин аст.
Дастаи Русия ҳайати пурқувват дорад, аммо ин танҳо дастаи Тоҷикистонро ба бозии муносиб бармеангезад.
Сармураббиҳои мунтахабҳо усулҳои бозии дар пешистодаро кор карда баромаданд.
Ёдовар мешавем, ки бозии дастаҳои Тоҷикистону Русия рӯзи панҷшанбеи 17 ноябр дар Варзишгоҳи марказии ҷумҳуриявии Душанбе баргузор шуда, бозӣ соати 20:00 ба вақти маҳаллӣ оғоз мешавад.
Қаблан Алишер Урунов, муовини раиси Федератсияи футболи Тоҷикистон қайд карда буд, ки бозии Тоҷикистону Русия на танҳо барои Душанбе, балки барои футболи маҳаллӣ ва мухлисон як рӯйдоди бузург аст.