ДУШАНБЕ, 11 ноя — Sputnik. Боришот дар Тоҷикистон дар назар нест, хабар дод Агентии обуҳавошиносии ҷумҳурӣ.
Ба иттилои манбаъ, дар Вилояти Мухтори Кӯҳистони Бадахшон ҳавои тағйирёбандаи асосан бебориш дар назар буда, ҳарорат дар ғарби вилоят шабона 6-11 дараҷа хунук, рӯзона 1+6 дараҷа гарм, дар шарқи вилоят шабона 14-19 дараҷа хунук, рӯзона 0-5 дараҷа хунук пешгӯӣ мегардад.
Вилояти Суғдро низ ҳавои камабри бебориш фаро гирифта, ҳаво дар водиҳо шабона 0+5 дараҷа гарм, рӯзона 7+12 дараҷа гарм, дар ноҳияҳои кӯҳӣ шабона 10-15 дараҷа хунук, рӯзона аз 2 дараҷа хунук то 3 дараҷа гармӣ мерасад.
Дар вилояти Хатлон низ ҳаво камабри бебориш пешгӯӣ шуда, ҳарорат дар водиҳо шабона 2+7 дараҷа гарм, рӯзона 12+17 дараҷа гарм, дар доманакӯҳҳо шабона аз 3 дараҷа хунук то 2 дараҷа гарм, рӯзона 6+11 дараҷа гарм дар назар аст.
Шаҳру ноҳияҳои тобеи марказро ҳавои тағйирёбандаи бебориш фаро гирифта, ҳарорат дар водиҳо шабона 0+5 дараҷа гарм ва рӯзона 10+15 дараҷа гарм, дар ноҳияҳои кӯҳӣ шабона аз 2 дараҷа хунук то 3 дараҷа гарм, рӯзона 4+9 дараҷа гарм арзёбӣ мегардад.
Ҳамчунин дар Душанбе ҳавои тағйирёбандаи бебориш пешгӯӣ шуда, ҳарорат шабона 2+4 дараҷа гарм ва рӯзона 13+15 дараҷа гарм дар назар аст.