ДУШАНБЕ, 9 ноя – Sputnik. Мақомоти Русия аз имкониятҳои васеъ барои сармогузорӣ ба иқтисоди Тоҷикистон хабар доданд.
Дар ин бора, муовини нахуствазири Русия Алексей Оверчук зимни суханрониаш дар ҷаласаи 18-уми Комиссияи байниҳукуматӣ марбут ба ҳамкориҳои иқтисодӣ миёни Русияву Тоҷикистон изҳорот кардааст.
"Соли 2021 табодули коло нисбат ба соли 2020 - 44,7 дарсад афзоиш ёфта, 1,2 миллиард долларро ташкил дод. Аз аввали соли ҷорӣ афзоиш аллакай 22,1 дарсадро ташкил додааст", - ёдовар шуд оқои Оверчук.
Ба гуфтаи муовини нахуствазири Русия ҳаҷми сармоягузориҳо ба 1,6 миллиард доллар расидааст.
Ёдовар мешавем, ки барои ҷалби таваҷҷуҳи соҳибкорони рус моҳи сентябр дар Душанбе як ҳамоиш баргузор шуд, ки таваҷҷуҳи зиёдро ба бор овард - 50 ширкат дар он ширкат варзиданд.
Дар шаҳри Душанбе ҷаласаи 18-уми Комиссияи байниҳукуматии Тоҷикистон ва Русия марбут ба ҳамкории иқтисодӣ баргузор шуд.
ҳайатҳои ҷонибҳоро Сарвазири Тоҷикистон Қоҳир Расулзода ва муовини Раиси Ҳукумати Русия Алексей Оверчук роҳбарӣ мекунанд.
Дар мулоқот ҷонибҳо масъалаҳои мубрами ҳамкории тиҷоратию иқтисодӣ ва гуманитарии Тоҷикистон ва Россияро баррасӣ хоҳанд кард.