ДУШАНБЕ, 9 ноя – Sputnik. Дар шаҳри Шарм-уш-Шайхи Миср дар ҳошияи Иҷлоси бисту ҳафтуми Конфронси ҷонибҳои Конвенсияи қолабии СММ оид ба тағйирёбии иқлим мулоқоти Эмомалӣ Раҳмон раисҷумҳури Тоҷикистон ва Шаҳбоз Шариф сарвазири Покистон сурат гирифт.
Дар ин бора дафтари матбуоти раисҷумҳури Тоҷикистон хабар додааст.
Тибқи иттилои манбаъ, дар ҷараёни суҳбати самимӣ масоили ҳамкории Тоҷикистону Покистон дар сатҳи дуҷониба ва ҳам дар чаҳорчуби ташкилоту созмонҳои бонуфузи олам, аз ҷумла Созмони Милали Муттаҳид мавриди баррасӣ қарор дода шуд.
Ёдовар мешавем, ки дар моҳи сентябр Эмомалӣ Раҳмон, раисҷумҳури Тоҷикистон ва Шаҳбоз Шариф, нахуствазири Покистон дар ҳошияи нишасти сарони Созмони Ҳамкориҳои Шанхай дар Самарқанд мулоқот карда буд.
Мавзӯи аслии музокироти раҳбарони кишварҳо он замон равобити дуҷониба ва ҳамчунин вазъи Афғонистон буд.
Дар мулоқот ҷонибҳо роҷеъ ба масъалаҳои муҳими минтақавӣ ва байналмилалӣ, бахусус вазъи кунунии Афғонистон табодули афкор карда буданд.
Ҳамчунин роҳбарони ду кишвар ҳамкориҳои кишварҳоро дар заминаи амниятиро баррасӣ карданд.