ДУШАНБЕ, 4 ноя — Sputnik. Намояндаи вижаи раисҷумҳури Русия дар умури Афғонистон Замир Коблов, ахиран ба хабаргузории ТАСС гуфт, ки ҳайати давлати Афғонистон ки тавассути толибони ташкил шудааст, дар нишасти машваратии Маскав дар мавриди Афғонистон ширкат нахоҳад кард.
“Ҳайати толибон ҳузур нахоҳад дошт, фақат аъзои Формти Маскав ҳузур хоҳанд дошт", гуфт ӯ дар посух ба суоли хабарнигор.
Ҳамонтавре, ки қаблан Кобулов дар мақолае, ки дар рӯзномаи русӣ (Независимая Газета) мунташир шуда буд, гуфта буд, нишасти баъдии Формти машваратии Маскав дар мавриди Афғонистон (Русия, Чин, Ҳинд, Эрон, Покистон, Қазоқистон, Қирғизистон, Тоҷикистон, Туркманистон, Ӯзбекистон) қарор аст то авосити ноябр баргузор шавад.
Лозим ба ёдоварист, ки ҷаласаи қаблӣ дар 20 октябри соли гузашта баргузор шуда буд.
Дар ин нишасти як ҳайати толибон бо раёсати Абдусаломи Ҳанафӣ, муовини раиси давлати муваққати феълии Афғонистон ҳузур дошт.
Маврид ба зикр аст, ки авоили моҳи августи соли 2021 толибҳо ҳамлаи худро болои нерӯҳои давлатии Афғонистон пурзӯр карда, рӯзи 15-уми август вориди Кобул шуданд ва рӯзи дигар эълом карданд, ки ҷанг ба поён расидааст.
Ду ҳафтаи ахири моҳи августи соли гузашта аз фурудгоҳи Кобул, ки таҳти ҳифозати низомиёни амрикоӣ буд, кӯчонидани оммавии шаҳрвандони ғарбӣ ва афғонистониҳое, ки бо онҳо ҳамкорӣ доштанд, сурат гирифт.