ДУШАНБЕ, 26 окт – Sputnik. Носир Ғафурзода, роҳбари нави корхонаи "Бақайдгирии молу мулки ғайриманқул" дар шаҳри Хуҷанд, ки миёни мардум бо номи "МБТИ" маъруф аст, таъйин шудааст.
Қарор дар ин бораро Умариён Раҳмон Фақерзода, мудири КВД “Бақайдгирии молу мулки ғайриманқул” - и Кумитаи давлатии идораи замин ва геодезии Тоҷикистон имзо намудаст.
Ғафурзода то ҳол роҳбарии КВД “Хуҷандобуканал”-ро ба уҳда дошт. Мусоҳибони Sputnik Тоҷикистон иттилоъ доданд, ки дар "Хуҷандобуканал" аллакай иҷрокунандаи вазифаи директори генералӣ бо иштироки роҳбарияти шаҳр муаррифӣ шуд.
Бар пояи иттилои манбаъ Хайрулло Бобоев, ба ҷойи Носир Ғафурзода, иҷрокунандаи директори генералии КВД “Хуҷандобуканал” таъйин гардид.
Ғафурзода дар мақоми мудири КВД “БММҒ” дар Хуҷанд Муҳаммадҷон Абдуғаниевро иваз намуд, ки ахирӣ чанде пеш муовини сардори Идораи хоҷагии ҷангали вилояти Суғд таъйин шудааст.
КВД “Бақайдгирии молу мулки ғайриманқул”, ки он дар миёни аҳолӣ ба “НБТИ” маъруф аст, аз идораҳои калидӣ ба ҳисоб меравад, ки шиносномаи техникии манзилҳои истиқоматӣ ва корггоҳоро таҳия месозад.
Ғафурзода Носир мудири нави ин ниҳод зодаи 1973, хатмкардаи факултаи математика ва информатикаи Донишгоҳи давлатии Хуҷанд буда, соли ҷорӣ низ Донишкадаи иқтисод ва савдои Донишгоҳи давлатии тичоратии Тоҷикистон дар шаҳри Хуҷандро бо ихтисоси ҳуқуқи иқтисодӣ хатм намудааст.
Дар гузашта дар шаҳрдории Хуҷанд, ширкати "Текстилсити" кор карда, 5 соли охир роҳбарии "Хуҷандобуканал"-ро ба уҳда дошт. Аз соли 2020 узви Маҷлиси вакилони шаҳри Хуҷанд мебошад.