ДУШАНБЕ, 17 окт – Sputnik. Дабири кулли СААД, Станислав Зас барои иштирок дар ҳамоиши байналмилалӣ ва мулоқот бо роҳбарияти Тоҷикистон озими Душанбе шуд.
Ба иттилои дафтари матбуоти СААД, Зас 17 октябр ба Тоҷикистон раҳсипор гардида, бо роҳбарияти низомию сиёсии ин кишвар мулоқот хоҳад кард.
Дар доираи сафар дабири СААД инчунин дар конфронси сатҳи баланд таҳти унвони "Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо" иштирок хоҳад кард.
Конфронси мазкур 18 - 19 октябри соли равон дар назар буда, намояндагони зиёда аз 50 кишвари ҷаҳон, инчунин роҳбарияти созмонҳои байналмилалию минтақавӣ, намояндагони ҷомеаи шаҳрвандӣ, доираҳои илмӣ барои иштирок дар он дархост ирсол кардаанд.
Сафари Зас ба Душанбе дар ҳолест, ки ӯ қаблан ба шаҳри Бишкек рафта, бо роҳбарияти сиёсию низомии Қирғизистон масоили амниятӣ, аз ҷумла марзӣ бо Тоҷикистонро баррасӣ карда буд.
СААД қаблан борҳо аз Қирғизистону Тоҷикистонро даъват намуд, ки аз истифодаи силоҳ худдорӣ намоянду масоили марзияшонро танҳо аз роҳҳои сиёсӣ ва дипломатӣ ҳал намоянд.