ДУШАНБЕ, 13 окт — Sputnik. Раҳбарони кишварҳои ИДМ тасмим доранд, барномаи навшудаи мубориза бо терроризм ва ифротгароӣ барои солҳои 2023-2025-ро тасдиқ кунанд.
Дар ин бора Юрий Ушаков ёвари президент дар суҳбат бо хабарнигорон изҳор дошт.
Имзои ин санад бояд дар нишасти сарони кишварҳои муштаракулманофеъ дар Остона сурат гирад.
"Ин маънои тасдиқи барномаи навшудаи ҳамкории кишварҳои узви ИДМ дар мубориза бо терроризм ва ифротгароӣ барои солҳои 2023-2025-ро дорад", - гуфт сиёсатмадор.
Ушаков афзуд, ки дар пайи натоиҷи ҷаласаи Шӯрои сарони кишварҳои ИДМ тасмими мақоми нозири СПАД дар назди Иттиҳод гирифта шавад.
Илова бар ин, миёни кишварҳои ширкаткунанда созишномаҳои ҳамкорӣ имзо хоҳанд шуд.
Сухангӯи Кремл гуфт, "имзои созишнома дар бораи таъсиси Шӯрои машваратии раҳбарони ниҳодҳои интихоботии кишварҳои узви ИДМ дар назар аст."
Дар маҷмӯъ, ба гуфтаи ёвари раисиҷумҳури Русия, тақрибан 17-18 санад барои имзо омода мешавад. Ӯ изҳори умедворӣ кард, ки роҳбарон онҳоро маъкул мешуморанд.