ДУШАНБЕ, 12 окт – Sputnik. Президенти Белорус, Александр Лукашенко гуфт, ҳамтои тоҷикаш Эмомалӣ Раҳмонро чоряк аср мешуниосад, аммо ёд надорад, ки боре тунд суҳбат карда бошанд, ё баҳсе кунанд.
Вай ин нуктаро дар мулоқот бо раиси Маҷлиси намояндагони Тоҷикистон, Маҳмадтоир Зокирзода баён дошта, ин падидаро ба монандии мардуми ду кишвар рабт дод.
"Мардумҳои мо ба ҳам монанданд. Ҳатто метавон гуфт, аз ҳамдигар фарқ надоранд. Мардуми меҳрубон, меҳнатдӯст, боистеъдод ҳастанд. Ва дар ин замина мо дар муносибатҳоямон то андозае комёбиҳо дорем", - гуфт Лукашенко.
Вай аз ҷумла зикр намуд, ки Раҳмонро чоряк аср мешиносад, аммо боре ҳам сахт суҳбат накардаанд.
"Мо ҳамеша як мавқеъ доштем, дар ҳамаи масъалаҳо. Мо ҳамеша ҳамдигарро дастгирӣ мекардем. Ин на аз он сабаб, ки мо дӯст ҳастем. Барои ман ӯ ҳамеша намунаи хидматгори ватан, як шахси фидокор буд", - гуфт Лукашенко.
Вай афзуд, танҳо раҳбарони Беларус ва Тоҷикистон омодаанд, ки соҳибихтиёрӣ ва амнияти кишварро бо силоҳ дар даст дифоъ кардаанд. Президенти Белорус гуфт, соли 2020 автомат ба даст гирифт, аммо Эмомалӣ Раҳмон пештар дар оғози ташаккули давлатдории муосир мубориза бурдаст.
Маҳмадтоир Зокирзода дар навбати худ гуфт, мардуми Тоҷикистон раҳбари Беларусро ҳамчун сиёсатмадори хирадманду ошкорбаён қадр мекунанд. Тоҷикистон дар симои Беларус дӯсти боэътимод, шарики стратегӣ ва ҳамфикр дорад, афзуд раиси парлумон.