ДУШАНБЕ, 4 окт — Sputnik. Сиёсати таҷовузкорона ва низомисозии Украина нисбат ба ҷумҳуриҳои мардумии Донетск ва Луганск, инчунин вилоятҳои Запорожие ва Херсон ба Киев ҳатто як заррае имкон намедиҳад ин минтақаҳо ба ҳайати Украина баргарданд, гуфт ба РИА Новости раиси Идораи мусулмонон ҶМЛ Элдар Ғамбаров.
"Баъд аз шилики тӯпхонаӣ тӯлонӣ ва таҷовузи пайвастаи Украина алайҳи вилоятҳои ҶМД, ҶМЛ, Запорожие ва Херсон, дар бораи бозгашти онҳо ба ҳайати Украина дигар сухане намервад. Ин давлат, ки гӯиё сулҳ мехоҳад, воқеан мардуми осоиштаи моро бомбаборону нобуд мекунад. Киев ҳатто дар ин бора ба мо дар бораи ояндаи неки муштарак ишора накунад”, гуфт ӯ.
Ба гуфтаи вай, ҶМЛ ояндаи худро танҳо бо Русия мебинад.
"Идораи мусалмонони ҶМЛ таҳти роҳбарии Анҷумани мусулмонони Русия мебошад, ки онро Албир Крганов сарварӣ мекунад. Мо аллакай як қатор чорабиниҳои бузурги муштаракро баргузор кардем. Мо дар ҳама масъалаҳо ҳамкориҳои комил ва ҳамдигарфаҳмӣ дорем”, - гуфт Ғамбаров.
Маврид ба зикр аст, ки раъйпурсӣ дар ҶХД, ҶХЛ ва минтақаҳои Херсону Запороже аз 23 то 27 сентябр баргузор шуда, беш 87%-и сокинони вилояти Херсон ба тарафдории пайвастан ба Русия овоз доданд. Аз вуруди вилояти Запороже ба Русия зиёда аз 93%-и интихобкунандагон ҷонибдорӣ карданд.
Дар Маркази интихоботии ҶМЛ гуфтанд, ки зиёда аз 98% ба тарафдории ҳамроҳшавии ҷумҳурӣ ба Русия овоз доданд. Дохилшавии ҶМД ба Русияро беш аз 99%-и аҳолӣ дастгирӣ карданд.