ДУШАНБЕ, 2 окт — Sputnik. Давоми нуҳ моҳи соли равон бо иштироки сокинони Душанбе 36 маротиба иқдоми "Тозагии соҳил" ва 29 маротиба "Тозагии маҳал" гузаронида шудааст.
Дар ин бора муовини сардори Сарраёсати ҳифзи муҳити зист дар шаҳри Душанбе, Абдусалим Қурбоновки ба хабаругзории "Ховар" иттилоъ додаст.
Ба иттилои манбаъ, ҳадафи ин чорабиниҳо тозаву озода нигоҳ доштани соҳили дарёву каналҳо, манбаъҳои обӣ, ҳудуди шаҳраку маҳаллаҳо, назди биноҳои истиқоматӣ, ташкилоту идораҳо ва вазоратҳо мебошад.
Таъкид шудааст, ки дар ҷараёни баргузории 36 ташаббуси экологии "Тозагии соҳил", беш аз 35 километр соҳили дарёи Варзоб, Душанбе, Лучоб, Кофарниҳон ва ҳудуди каналҳои Говкуш, Чортут, Канали калони Ҳисор, Оқ-қурғон тоза карда шуд.
Ҳамчунин аз ҷамъоварии ҳазорҳо метри мукааб партовҳои гуногун дар доираи ин чорабиниҳо хабар дода шуд.
Таъкид гардидаст, ки таваҷҷуҳи махсус ба тоза кардани маҳаллаҳое дода мешавад, ки ахиран ба ҳудуди пойтахт ворид гардидаанд.
Маврид ба зикр аст, ки ахиран сарҳади шаҳри Душанбе аз ҳисоби заминҳои ноҳияи Рӯдакӣ дар майдони 7,6 ҳазор гектар афзоиш ёфта, 20,3 ҳазор гектар расид.