ДУШАНБЕ, 29 сен — Sputnik. Дар як ҳафтаи гузашта панҷ ҳазору 363 тан аз муҳоҷирони афғон аз Эрон ихроҷ ва вориди кишвар шудаанд, иттилоъ додааст хабаргузории “Ҳашти субҳ”.
Тибқи иттилои манбаъ, аз ин миён чаҳор ҳазору 948 тан аз ба шумули хониводаҳо ва афроди муҷаррад аз марзи Пули Абрешим ва 415 тани дигар аз марзи Ислом Қалъаи вориди кишвар шудаанд.
Пас аз тасаллути толибон ва афзоиши танишҳои марзӣ Эрони ихроҷи муҳоҷирони афғонро шиддат бахшида аст.
Ёдовар мешавем, ки чанде пеш вазорати муҳоҷирони давлати толибон аз Созмони Милал дархост кард, ки ба чолишҳои паноҳҷӯёни Афғонистон дар кишварҳои дигар ба гунаи ҷиддӣ расидагӣ кунанд.
Халилурраҳмони Ҳаққонӣ, сарпарасти Вазорати муҳоҷирони Афғонистон дар маросиме ба муносибати Рӯзи ҷаҳонии паноҳандагон гуфт, ки бо паноҳҷӯёни Афғонистон дар кишварҳои дигар бархӯрди нодуруст мешавад.
Созмони афви байналмилал низ эълом кард, ки буҳрони паноҳҷӯёни Афғонистон яке аз бузургтарин ва тӯлонитарин буҳронҳо дар ҷаҳон аст.
Ин созмон дар баёнияе ба муносибати Рӯзи ҷаҳонии паноҳндагон, аз ҷомеаи ҷаҳонӣ хоста буд, ки бозгашти иҷбории паноҳндагони Афғонистонро аз кишварҳои ҳамсоя таваққуф диҳад.
Бар асоси оморҳои ҷаҳонӣ беш аз ҳафт миллион шаҳрванди Афғонистон ба иллати даргириҳо, хушунат ва фақр маҷбур ба тарки хона ва кишвари худ шудаанд, ки бештари ин шаҳрвандон дар Эрон, Покистон, Ӯзбекистон, Тоҷикистон, Малайзия ва Туркия муҳоҷир ҳастанд.