ДУШАНБЕ, 22 сен — Sputnik. Дастаи мунтахаби Тоҷикистон бо тими мунтахаби Тринидад ва Тобаго дар Таиланд мусоҳиба мекунад.
Дар ин бора дафтари матбуоти Федератсияи футболи Тоҷикистон хабар додаст. Ба иттилои манбаъ, сабқат дар доираи мусобиқаи байналмилалии "King's Cup 2022" дар Чиангмайи Тайланд дар назар аст.
ФФТ тавзеҳ дод, вақти бозӣ миёни Тоҷикистон ва Тринидад ва Тобаго имрӯз 22 сентябр, соати 15:30-и бо вақти Душанбе муқаррар шудааст.
Сармурабии мунтахаби Тоҷикистон гуфт, ки дастпарваронаш барои пирӯзӣ тамоми талоши худро хоҳанд кард.
Дар ҳамин ҳол, тибқи рейтинги ФИФА, рақиби имрӯзаи тоҷикон дар ин мусобиқа қавитаринанд.
Ҳайати тими мунтахаби Тоҷикистон дар ин рақобат аз ин қабил аст: Рустам Ятимов, Зоир Ҷурабоев, Табрез Исломов, Манучеҳр Сафаров, Ваҳдат Ҳаннонов, Амирбек Ҷурабоев, Муҳаммадҷон Раҳимов, Шервонӣ Мабатшоев, Аҳтам Назаров, Шаҳром Самиев, Нуридди Ҳамроқулов
Таъкид шудааст, ки бозии мазкур дар даври ниманиҳоии мусобиқаи байналмилалии "King's Cup 2022" сурат мегирад. Замони баргузории мусобиқоти "King's Cup 2022" аз 22 то 25 сентябр муқаррар шудааст.
Дар даври ниманиҳоии дигари мусобиқот яккачини Тайланд бо дастаи Малайзия вомехӯранд. ФФТ афзуд, ҳарду бозии даври нимниҳоӣ 22 сентябр доир мегарданд.
Ғолибони даври ниманиҳоӣ рӯзи 25 сентябр дар финал ва дастаҳои мағлубшуда барои медалҳои биринҷӣ мубориза мебаранд, афзуд Федератсияи футболи Тоҷикистон.