ДУШАНБЕ, 15 сен — Sputnik. Кӯшишҳои ба вуҷуд овардани дунёи якқутбӣ дар вақтҳои охир шакли тамоман зишт пайдо карда, барои аксарияти куллии давлатҳои сайёра тамоман қобили қабул нестанд.
Дар ин бора Владимир Путин, раисиҷумҳури Русия, зимни мулоқот бо Си Ҷинпин дар ҳошияи нишасти сарони СҲШ дар Самарқанд изҳор дошт, хабар медиҳад Sputnik Ӯзбекистон.
"Мо мавқеъи мутавозини дӯстони чиниро дар робита ба буҳрони Украина хеле қадр мекунем. Мо саволҳо ва нигарониҳои шуморо дарк мекунем ва дар мулоқоти имрӯза мавқеъи худро дар ин бора ба таври муфассал баён хоҳем кард, ҳарчанд дар ин бора суҳбат кардем", — гуфт Владимир Путин.
Президент инчунин таъкид кард, ки Русия ба принсипи Чини ягона пойбанд аст.
"Мо иғвогариҳои ИМА ва моҳвораҳои он дар гулӯгоҳи Тайванро маҳкум мекунем" гуфт раҳбари Русия.
Путин дар мавриди таҳлили равобити Русия ва Чин қайд кард, ки соли гузашта гардиши мол миёни ин кишварҳо 35 дарсад афзоиш ёфта, аз 140 миллиард доллар гузашт ва имсол дар ҳафт моҳи аввал 25 дарсади дигар афзоиш ёфтааст.
Дар гузашта, 35% афзоиш ёфт ва дар ҳафт моҳи аввал аз 140 миллиард доллар гузашт, боз 25% афзоиш ёфт.
"Ман итминон дорам, ки то охири сол мо ба сатҳи нави рекордӣ мерасем ва гардиши молро то ба 200 миллиард доллар ва бештар аз он мерасонем", - гуфт Путин.