ДУШАНБЕ, 30 авг — Sputnik. Таҳти Эмомалӣ Раҳмон, раисҷумҳури Тоҷикистон маҷлиси ҳукумати кишвар баргузор шуд, иттилоъ додааст дафтари матбуотии раисҷумҳур.
Тибқи иттилои манбаъ дар ин маҷлиси навбатӣ раисҷумҳури кишвар бо аъзои ҳукумат масоили Барномаи давлатии мусоидат ба шуғли аҳолӣ, баланд бардоштани сатҳи некуаҳволии аҳолии кишвар, лоиҳаҳои як қатор қонунҳо, ҳамчунин масъалаҳо Дар хусуси Конвенсияи қолабӣ дар бораи ба одоби сайёҳӣ,Консепсияи гузариш ба таҳсилоти рақамӣ ва дар бораи минтақаи сайёҳии “Роғун”-ро баррасӣ кард.
Гуфта шудааст, ки Эмомалӣ Раҳмон дар ин маҷлис ба Вазорати меҳнат, муҳоҷират ва шуғли аҳолӣ супориш дод, ки дар ҳамкорӣ бо вазорату идораҳои дахлдор, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо иҷрои саривақтӣ ва пурраи нишондиҳанда ва чорабиниҳои Барномаи давлатии мусоидат ба шуғли аҳолии Тоҷикистон барои солҳои 2020-2022-ро таъмин намоянд.
Инчунин дар охири кори маҷлиси Ҳукумати Тоҷикистон Президенти кишвар барои иҷрои дастурҳои Ҳукумати Тоҷикистон, супоришҳои маҷлиси навбатии Ҳукумати Тоҷикистон, нишондиҳандаҳои Паёми Президент ба Маҷлиси Олӣ, омодагии ҳамаҷониба ба давраи тирамоҳу зимистони солҳои 2022-2023, истифодаи самараноки заминҳои кишоварзӣ, захираи кофии маводи озуқа, сӯзишворӣ, супоришҳои мушаххас додааст.
Инчунин Эмомалӣ Раҳмон барои вусъати корҳои ободонию созандагӣ барои истиқболи сазовори ҷашни 35-солагии Истиқлоли давлатии Тоҷикистон, ба Ҳукумати кишвар, роҳбарияти мақомоти иҷроияи ҳокимияти давлатии вилоятҳо, шаҳру ноҳияҳо ва вазорату идораҳои давлатӣ супоришҳои мушаххас низ доданд.