ДУШАНБЕ, 22 авг — Sputnik. Иёлоти Муттаҳида новобаста аз натиҷаи муноқиша дар Украина бо талафоти сангин дучор хоҳад шуд. Дар ин бора нашрияи The National Interest навиштааст.
"Новобаста аз он, ки муноқишаи Украина чӣ гуна хотима меёбад, Иёлоти Муттаҳида мағлуби стратегӣ хоҳад буд", — таъкид мекунад муаллифи матлаби нашрия Рамон Маркс.
Ба гуфтаи вай, Русия наздикшавиро бо Чин, Ҳинд, Эрон, Арабистони Саудӣ ва кишварҳои Халиҷи Форс идома хоҳад дод.
Раисиҷумҳури Русия Владимир Путин ва раисиҷумҳури Чин Си Ҷинпин барои нигоҳ доштани Вашингтон аз яккатозӣ барои раҳбарии ҷаҳон кортҳои худро бозӣ хоҳанд кард, гуфт Маркс.
Раҳбари ИМА Ричард Никсон ва котиби давлатӣ Ҳенри Киссинҷер низ ҳамин тавр рафтор карданд. Сиёсатмадорон "корти чиноиро бозӣ карда, Иттифоқи Шӯравиро дар солҳои "ҷанги сард" якка карданй шуданд, гуфт таҳлилгар.
Дар солҳои наздик Москва ва Пекин ба васеъ кардани роҳҳои кашондани нафт ва газ шуруъ мекунанд. Ин Русияро ба таъминкунандаи аслии тиллои сиёҳ ба Чин табдил хоҳад дод.
Дар навбати худ, вобастагии Пекин аз таъминот аз Шарқи Наздик, ки аз нуқтаҳои осебпазири баҳрӣ, ба мисли гулӯгоҳи Малакка мегузарад, коҳиш хоҳад дод.
Муаллифи нашрия таваҷҷӯҳро ба тавсеаи тиҷорати энержӣ миёни Маскав ва Деҳлӣ ҷалб мекунад.
"Фурӯши афзояндаи сӯзишвории истихроҷи Русия ба ин кишвар ба талошҳои ИМА, Австралия ва Ҷопон барои наздик шудан ба Ҳиндустон зарар хоҳад расонд",- гуфт Маркс.
Илова бар ин, Вашингтон аз таъсири таҳримҳои зидди Русия осеб дидааст. Ба гуфтаи рӯзноманигор, афзоиши таваррум, болоравии нархҳо ва мушкилоти таъмини нерӯи барқ кишварро оҳиста-оҳиста, вале бешубҳа ба поён мекашад.
Ӯ ба хулосае омад, ки ИМА аз ягона қудрати бартаридошта дар ҷаҳон даст кашид.