ДУШАНБЕ, 16 авг – Sputnik. Як қисми нерӯҳои вижаи собиқи афғон ба гурӯҳҳои миллатгароҳои дар Украина пайвастаанд.
Дар ин бора Замир Кабулов, намояндаи вижаи раисиҷумҳури Русия дар Афғонистон, мудири департаменти дувуми Осиё дар Вазорати умури хориҷа дар мусоҳиба бо РИА "Новости" изҳор дошт.
Гуфта мешавад, ки дар охири моҳи март як манбаи огоҳ ба РИА Новости гуфт, ки ҷониби Амрико барои фиристодани собиқ низомиёни артиши миллии Афғонистон ба минтақаи ҷанг дар Украина омодагӣ мегирад.
"Ба ҳар ҳол намояндаи Қирғизистон дар конфронси ахири Тошканд дар ин бора гуфта буд, ки нерӯҳои вижаи афғонистонии низоми қаблӣ, ки аз Афғонистон фирор карда буданд, шумораи зиёди онҳо мунтазиранд, амрикоиҳо онҳоро бо худ намебаранд, ҳарчанд ваъда дода буданд, тақрибан 110 ҳазор афғон дар номуаянӣ мунтазири иҷозати вуруд ба ИМА ҳастанд", - гуфт Кабулов.
Бо вуҷуди ин, онҳо эҳтимолан онҳоро ба Иёлоти Муттаҳида иҷозат нахоҳанд дод ва ин "равиши комилан ғайриинсонии амрикоиҳост" мегӯяд мусоҳиби агентӣ.
"Ҳамин тариқ, ин нерӯҳои вижа, ки бархе аз онҳо ба ДИИШ* пайвастаанд, ҳам дар Ироқ, ва ҳам Сурия меҷанганд. Ин хеле пешгӯишаванда аст, мо гуфтем, ки ин такрори нақшаи Ироқ аст, ки дар натиҷаи ДИИШ* ташкил шуда буд", - афзуд дипломат.
Ба гуфтаи вай қисми дигари ин собиқ қувваҳои махсус, мисли зархаридон, шояд ба онҳо пул ваъда карда бошанд, зеро зиндагӣ кардан лозим аст — онхо ба миллатгароёни украинӣ мепайванданд. Аммо ин аз толибон ба ҳеҷ ваҷҳ вобаста нест.
Дар ҳамин ҳол гуруҳи толибон ба ҷониби Русия ваъда додаанд, ки дар ҳадди тавон аз интиқоли террористон ба Украина ҷилавгирӣ хоҳанд кард.