ДУШАНБЕ, 9 авг — Sputnik. Дар минтақаи фурудгоҳи низомии Новофедоровка якчанд лавозимоти ҷангӣ мунфаҷир шуд, хабар медиҳад Вазорати дифои Русия.
Ба гуфтаи ин ниҳод, ҳодиса дар як макони нигаҳдории аслиҳа рух додааст. Дар натиҷаи таркишҳо талафоти ҷонӣ ба қайд гирифта нашудааст ва вазъ таҳти назорат аст.
Илова бар ин, дар ин ниҳод мушаххас карданд, ки таҷҳизоти авиатсионӣ осеб надидааст. Силсилаи таркишҳо соати 15:20 ба вақти маҳаллӣ дар қаламрави фурудгоҳи низомии Сакӣ рух дод.
"Барои хомӯш кардани сӯхтор ва муайян кардани сабабҳои таркиш чораҳо андешида мешаванд. Бино ба гузориш аз ҷои ҳодиса, оташ ба анбори лавозимоти ҷангӣ дар фурудгоҳ нарасидааст", - гуфт манбаъ.
Раиси вилоят Сергей Аксенов, ки ба ҷои ҳодиса ҳозир шудааст, дар бораи далели ин ҳодиса изҳорот дод.
"Дар ҷои ҳодиса бригадаҳои ёрии таъҷилӣ ва авиатсияи тиббӣ кор мекунанд, шумораи онҳо кофӣ аст. Дар бораи қурбониён ҳарф задан барвақт аст. Дар байни аҳолии осоишта то ҳол касе ба муассисаҳои тиббӣ муроҷиат накардааст", - афзуд Аксенов.
Вай афзуд, дар робита ба ин ҳодиса тадобири зарурӣ ҷиҳати таъмини амнияти аҳолӣ ва зербиноҳо пурзӯр карда шудааст.
Барои таъмини амнияти сокинони маҳаллӣ панҷараҳо гузошта шуда кормандони БДА посбонӣ мекунанд. Вазорати ҳолатҳои изтирорӣ дар ҳоли ҳозир сӯхторро назорат мекунад.
Ба гуфтаи мушовири раисиҷумҳури Қрим, пас аз ҳодиса дар фурудгоҳ ҳудуди 30 нафарро интиқол додаанд. Ҳамаи онҳо сокинони хонаҳои дар шафати аэродром буда, дар меҳмонхонаҳои маҳаллӣ ҷойгир карда мешаванд.
Хадамоти ягонаи диспетчерии ноҳия хабар дод, ки сокинон ва сайёҳон аз тахлия дар ноҳияи Сакӣ огоҳ карда мешаванд.
Қобили зикр аст, ки деҳаи Новофедоровка, ки дар минтақае, ки чанд таркиш раъд ба амал омад, 60 километр дуртар аз Симферопол ва 80 километр аз Севастопол дуртар ҷойгир аст.
Новофедоровка яке аз бузургтарин пойгоҳҳои авиатсионии Флоти дарёии Русия аст.