ДУШАНБЕ, 30 июл — Sputnik. Ҷанги иқтисодие, ки кишварҳои ғарбӣ алайҳи Маскав оғоз кардаанд, натиҷаи баръакс дод ва раисиҷумҳури Русия Владимир Путин аз ҳарвақта пурқувваттар шуд, менависад рӯзномаи бритониёии The Guardian.
Ба гуфтаи Саймон Ҷенкинс, муаллифи матлаб, таҳримҳои зидди Русия дар таърихи навтарин тасмими бесамартарин ва зиддирусӣ шудааст.
"Онҳо Путинро қавитар карданд: Русия содиротро ба кишварҳои Осиё афзоиш дод, ки боиси изофаи бесобиқа дар тавозуни пардохт шуд, рубл имсол ба яке аз қавитарин асъори ҷаҳонӣ табдил ёфт ва аз моҳи январ тақрибан 50 дарсад мустаҳкам шуд",— таъкид шудааст дар нашрия.
Дар айни замой, чунон ки мушоҳида карда мешавад, мамлакатҳои Ғарб ба таназзул дучор шуданд.
Таҳлилгар гуфтааст, ки воқеияти маҳдудиятҳои иқтисодӣ алайҳи Маскав ин аст, ки онҳо боиси интиқом шуданд. Нобоварӣ дар Британияи Кабир, Фаронса, Италия ва ИМА паҳн шудааст.
"Олмон ва Маҷористон, ки "гурусна"-и газан, наздик ба рақс дар зери оҳанги Владимир Путин ҳастанд. Дар ҳама ҷо арзиши зист гарон мешавад. Раҳбарони эҳтимолии бритониёӣ Лиз Трасс ва Риши Сунак бошанд дар суханрониҳояшон ваъда медиҳанд, ки таҳримҳоро бидуни ягон ҳадаф пурзӯр мекунанд", - афзуд муаллифи мақола.
Пас аз оғози амалиёти вижаи Русия дар Украина, кишварҳои ғарбӣ алайҳи Маскав, ба хусус манобеъи энержии он таҳримҳо ҷорӣ карданд.
Раисиҷумҳури Русия Владимир Путин гуфт, сиёсати ҷилавгирӣ ва заъиф кардани Русия стратегияи дарозмуддат барои Ғарб аст ва таҳримҳо ба тамоми иқтисоди ҷаҳонӣ зарбаи ҷиддӣ задаанд.