ДУШАНБЕ, 23 июл — Sputnik. Ҳамадонӣ Камолов, бозигари шинохтаи ҷавони тоҷик ба бошгоҳи "Паракуэлос Антамира"-и Испания гузариш кард.
Ӯ ба дастаи наваш аз тими "Райо Махадаондо"-и ин кишвар, ки соле пеш созишномаи ҳамкорӣ ба имзо расонида буд, гузариш кард.
Дар бораи муҳлати шартнома ва маблағи интиқоли бозигар иттилое нашр нашудааст.
Тими нави Камолов дастаи шаҳри Мадрид буда, дар дивизиони 3-юми Испания бозӣ мекунад.
Ин бозигар 19 сол дошта то ба дастаҳои испанӣ гузаштан, дар дастаи "Истиқлол"-и Душанбе бозӣ кардааст.
Ҳамзамон ӯ дар ҳайати яккаҷини ҷавонони кишвар нишонҳои нуқраи Ҷоми Осиё миёни наврасонро ба даст овардааст.
Ҳамзамон бошгоҳи "Торпедо- Белаз"-и Белорус бо Шаҳром Самиев, варзишкори тоҷик қарордоди ҳамкориро бо розигии тарафайн бекор кард.
Самиев дар ҳайати дастаи "Торпедо- Белаз" 13 бозӣ гузаронида, ба задани 3 гол ноил шудааст. Дастаи нави ӯ то кунун дақиқ нест.