ДУШАНБЕ, 16 июл — Sputnik. Сафорати ИМА дар Киев кори худро мутаваққиф кард, хабар медиҳад Sputnik Белорус дар канали "Telegram"-и худ.
Ба навиштаи ин манбаъ, ҳоло бинои сафоратхона баста шудааст.
"Сафорати Амрико дар Киев корашро қатъ кардааст. Бинои сафорат баста аст, кормандон ба назар намерасанд", - омадааст дар хабарнома.
Қаблан мақомоти ИМА ба шаҳрвандони худ муроҷиат карда буданд, ки Украинаро тарк кунанд.
Ба гуфтаи ин намояндагии дипломатӣ, вазъ дар Украина дар ҳоли ҳозир ниҳоят ноустувор арзёбӣ мешавад.
Ҳамзамон, ба гуфтаи сафорат, шароит метавонад "ба таври ҷиддӣ ва ногаҳон бадтар шавад".
Инчунин маълум шуд, ки консулгарии ИМА дар Одесса корашро қатъ кардааст, бино баста шудааст ва ягон корманд ба назар намерасад.