ДУШАНБЕ, 13 июл — Sputnik. Эмомалӣ Раҳмон роҳбари давлат бегоҳи рӯзи 13 июл бо имзои чанд қарор дар соҳаи маориф тағйироти кадрӣ анҷом дод.
Дар ин бора дафтари матбуоти роҳбари давлат хабар дода, матни қарорҳои президентро нашр намудааст.
Бо қарори Раҳмон, ректори Донишгоҳи давлатии тиҷоратии Тоҷикистон аз вазифа барканор шуд.
"Қурбонзода Маҳмадалӣ Раҳмат бо сабаби ба кори дигар гузаштан аз вазифаи ректори Донишгоҳи давлатии тиҷорати Тоҷикистон озод карда шавад", - омадааст дар хабарномаи котиботи президент.
Зимнан, ба курсии ректори донишгоҳи мазкур бо қарори роҳбари давлат Назарзода Хайрулло Холназар такя зад.
Ҳамзамон, бо қарори дигари президент, директори Институти забон ва адабиёти ба номи Абӯабдуллоҳи Рӯдакӣ низ барканор шуд. Иллати аз вафиза барканор шудани Шарифзода Боймуродро, котиботи президент гузаштан ба кори дигар арзёбӣ кард.
Бо қарори дигари Эмомалӣ Раҳмон дар вазифаи ректори Институти забон ва адабиёт Шарифзода Фарангис Худоӣ таъйин гардид.