ДУШАНБЕ, 7 июл — Sputnik. Украина метавонад аз харитаи ҷаҳон нобуд шавад, агар воридоти силоҳ ба он ҳаминтавр идома кунад. Дар ин бора дар телевизиони Sky News Australia мушовири собиқи вазири дифои ИМА полковник Дуглас Макгрегор изҳор дошт, хабар медиҳад РИА "Новости".
Макгрегор аз кишварҳои ғарбӣ ва бахусус Австралия барои кумаки низомӣ ба Киев интиқод кард ва таъкид кард, ки онҳо бояд дар ҳалли мусолиматомези вазъ саҳм медоштанд, вагарна Украина бо харобиву марг рӯбарӯ хоҳад буд.
"Ин аллакай як давлати ноком аст, он метавонад аз харитаи ҷаҳон комилан нест шавад. Ман боварӣ дорам, ки оташбас зарур аст. Австралия бояд дар ин бора исрор кунад, зеро ҳеҷ кас дар Вашингтон ба ин кор намеравад. Аммо аз мардуми Берлин, Париж ва Лондон, ман дар бораи дастгирии афзояндаи танҳо як идея - оташбас - ва расидан ба як навъ созиш мешунавам. Зеро мо наметавонем то охирин украинӣ мубориза барем”, - шарҳ дод Макгрегор.
Чунон ки агентии "Франс Пресс" хабар медихад, сарвазири Австралия Энтони Албанез ваъда дод, ки ба Украина 14 бронетранспортёр, 20 мошини зиреҳпӯши Bushmaster ва чанд ҳавопаймои бесарнишин медиҳад.
Русия дар навбати худ ба ҳамаи кишварҳое, ки дар интиқоли силоҳ ба режими Киев даст доранд, нотаи дипломатӣ фиристод.
Тавре вазири корҳои хориҷӣ Сергей Лавров қайд кард, ин силоҳҳо ба ҳадафи қонунии Нерӯҳои ҳавоии Русия табдил меёбанд.
Ёдовар мешавем, ки Русия аз 24 феврал ба ин сӯ амалиёти вижа барои ғайринизомисозӣ ва нозизудоиро дар Украина анҷом медиҳад. Президент Владимир Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд."
Ба гуфтаи вазорати дифои Русия, нерӯҳои мусаллаҳ танҳо ба зербиноҳои низомӣ ва нирӯҳои Украина зарба мезананд ва то 25 март вазифаҳои асосии марҳалаи аввалро иҷро кардаанд - онҳо тавони ҷангии Украинаро ба таври қобили мулоҳиза коҳиш додаанд.
Ҳадафи асосӣ дар ин ниҳод озодкунии Донбасс номида мешуд.