Шаби 1 ба 2 июл Эронро заминҷунбии шадид такон дод. Маркази зилзилашиносии Аврупо ва Баҳри Миёназамин қувваи заминларзаро дар ҷануби Эрон 6 дараҷа арзёбӣ карданд.
Зирк гардид, ки маркази заминларза дар 61-километрии шимолу шарқи шаҳри Бендер-Ленгеи Ҳурмузгон воқеъ буд.
Манобеи "Форс" хабар дод, ки теъдоди қурбониёни заминларза афзуда ба панҷ нафар расид. Дар ҳоле, ки қаблан аз кушта шудани се нафар ва захм бардоштани 19 тани дигар гузориш шуд. Ҳоло теъдоди захмиён ба беш аз 40 нафар расидааст.
Дар ҳамин ҳол, 12 ҷароҳатбардошта дар ҳолати вазнин дар яке аз бемористонҳои Эрон бистарӣ ҳастанд.
Ёдовар мешавем, авохири моҳи гузашта Афғонистонро низ заминларзаи мудҳиш такон дод, ки дар натиҷа беш аз ҳазор нафар қурбон шуду аз ин бештар сокинон ҷароҳат бардоштанд.