ДУШАНБЕ, 2 июл — Sputnik. Швейтсария мизбони нахустин Муколамаи оби Женева шуд. Дар ин бора дар департаменти иттилооти Вазорати корҳои хориҷии Тоҷикистон хабар доданд.
Муколамаро намояндагони доимии Тоҷикистону Миср ва дигар кишварҳо дар дафтари СММ дар Женева ташкил карданд.
Дар маросими ифтитоҳи ин чорабинӣ, ки рӯзи 1 июл баргузор шуд, намояндаи доимии Тоҷикистон дар Дафтари СММ ва дигар созмонҳои байналмилалӣ Ҷамшед Ҳамидов сухан кард.
Ӯ ба ҳозирин дар бораи Конфронси сатҳи баланд оид ба об, ки рӯзҳои 6-9 июни соли ҷорӣ дар Душанбе баргузор шуд, нақл кард.
Ҳамчунин, дар чорчӯби чорабинӣ дар мавзуъи захираҳои об ва коҳиши хатари офатҳои табиӣ баргузор гардид, ки аз ҷониби Намояндагии доимии Тоҷикистон ва Дафтари СММ оид ба коҳиши хатари офатҳои табиӣ ташкил карда шуд.
Ёдовар мешавем, ки раисиҷумҳури Тоҷикистон Эмомалӣ Раҳмон зимни суханронӣ дар Конфронси дуюми байналмилалӣ бахшида ба 10-умин солгарди "Об барои рушди устувор" дар Душанбе гуфта буд, ки ҷумҳурӣ тавонист ба намунаи омӯзиши оқилона ва муассири захираҳои об табдил ёбад.
Раҳмон зимни суханронии худ таваҷҷуҳи ҳозиринро ба он ҷалб кард, ки обшавии босуръат дар баробари афзоиши истеъмоли оби тозаи марбут ба афзоиши аҳолӣ ва рушди иқтисодӣ метавонад паёмадҳои хеле манфӣ дошта бошад.