ДУШАНБЕ, 25 июн — Sputnik. Раҳбари Чеченистон Рамазон Қодиров, эълом кард, ки фурудгоҳи Северодонетск ва минтақаи саноатиеро, ки дар он корхонаи “Азот” ҷойгир аст, таҳти назорати худ гирифтааст.
"Минтақаи саноатии Северодонетск ва фурудгоҳ пурра озод карда шуд! <...> Яке аз нуқтаҳои душвори мудофиаи Украина дер истодагарӣ карда натавонист!", — навиштааст ӯ дар шабакаи Telegram.
Ба гуфтаи сиёсатмадор, 800 сокини осоишта аз қаламрави корхона берун карда шуданд. Дар фурӯдгоҳ задухурдҳои маҳаллӣ бо "гуруҳҳои боқимонда" давом доранд.
Ёдовар мешавем, ки Русия 24 феврал дар Украина амалиёти вижаро оғоз кард.
Кишвардор Владимир Путин ҳадафи онро "ҳимояи одамоне номид, ки тӯли 8 сол аз сӯи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом дода, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Нерӯҳои мусаллаҳи кишвар вазифаи асосии марҳилаи аввали амалиёти махсусро анҷом доданд. Онҳо иқтидори ҷангии Украинаро ба таври назаррас коҳиш доданд.
Пас аз оғози амалиёти вижа, Маскав ва Киев 4 даври музокироти рӯ ба рӯ баргузор карданд. Тарафҳо аллакай дар баъзе масъалаҳо ба созиш расиданд.
Аммо моҳи апрел муколама қатъ шуд, зеро Украина ба пешниҳодҳои Русия дар бораи тарҳи паймон дигар вокуниш накард.