ДУШАНБЕ, 21 июн — Sputnik. Олаф Шолтс, садри аъзами Олмон гуфт, иттиҳомоти Киев дар интиқоли сусти силоҳ воқеият надорад, хабар медиҳад радиои Sputnik.
"Бисёр он чизе, ки онҳо дар ин кишвар мегӯянд, дуруст нест", - гуфт Шолтс.
Ба гуфтаи ӯ, Украина мураккабии масъаларо нодида мегирад. Ҳангоми таъмини аслиҳаи муосир, низомиёни украинӣ бояд аввал барои истифода аз онҳо омӯзонида шаванд, вагарна онҳо бесамар хоҳанд буд.
Дар идома ӯ зикр намуд, ки яроқу аслиҳа мошин нест ва онро баосонӣ харидан ғайриимкон аст.
Илова бар ин, ӯ қайд намуд, ки ба касе иҷозат намедиҳад, ки ӯро аз роҳи мувозинати сиёсӣ баранд.
Қаблан сиёсатмадорони украинӣ мақомоти Олмонро барои дастгирии суст ва нокофии низомӣ аз Киев интиқод мекарданд.
Аз ҷумла, сафири Украина дар Олмон Андрей Мелник гуфт, Берлин бо баҳонаҳои бардурӯғ интиқоли силоҳро ба таъхир меандозад.