ДУШАНБЕ, 21 июн — Sputnik. Раисиҷумҳури нахустини Қирғизистон Аскар Акаев "инқилоби лолаӣ"-ро табаддулоти давлатие номид, ки аз ҷониби ИМА ташкил шудааст.
Раисиҷумҳури пешин ва фирории Қирғизистон бо даъвати ҷониби Қазоқистон дар яке аз донишгоҳҳои Алмаато суханронӣ кардааст, хабар медиҳад Sputnik Қирғизистон.
Ба гуфтаи Оқоев, дар солҳои 90-уми қарни гузашта Қирғизистон суръати хуби рушд дошт, аммо мушкилот дар солҳои 2000-ум пайдо шуданд.
Вай "инкилоби лолаӣ"-ро табаддулоти давлатие номид, ки Иёлоти Муттахидаи Амрико ташкил кардаанд.
"Ман дар ин бора ошкоро суҳбат мекунам, зеро сафири ИМА ҷаноби Янг, бахусус пас аз инқилобҳо дар Гурҷистон ва Украина, гуфт, ки табаддулотро ИМА ташкил кард. Савол ин аст, ки шояд ман бо тарки ватан хато кардам. Аксаран мегӯянд, ки ман бояд мемондам", - гуфт Аскар Акаев.
Ба қавли президенти нахустини Қирғиизстон ӯ намехост номашро бо хунрезиҳо алоқаманд кунад.
"Аммо ман тасмим гирифтам, ки номамро бо хунрезиҳо алоқаманд карда наметавонам ва тасмим гирифтам, ки кишварро тарк кунам ва пушаймон нестам”, - гуфт Акаев.
Ин суханонро Аскар Акаев зимни боздид аз Донишгоҳи миллии Қазоқистон гуфт. Ӯ ҳамроҳи ҳамсараш Майрам Акаева аз ин боргоҳи илм дидан кардаанд.