ДУШАНБЕ, 18 июн — Sputnik. Нерӯҳои дастаҷамъии СПАД омодагиҳоро барои се тамрини муштарак дар Қазоқистон дар соли 2022 оғоз кардаанд.
Дар ин бора дафтари матбуоти Ситоди муштараки Созмони Паймони Амнияти Дастаҷамъӣ хабар додааст.
"Ҳамаи тамринот, ки омӯзиши ҷузъҳои мухталифи нерӯҳои СПАД (Нерӯҳои дастаҷамъӣ)-ро муттаҳид мекунад, дар як фазои ягонаи амалиётӣ дар қаламрави Қазоқистон дар тамрингоҳи "Матибулоқ" ба нақша гирифта шудааст", - омадааст дар хабар.
Гуфта мешавад, ки сухан дар бораи машқҳои махсуси "Ҷустуҷӯ-2022", "Эшелон-2022" ва таълими фармондеҳию штабии "Таомул-2022" меравад, ки бо ширкати намояндагони Арманистон, Беларус, Қазоқистон, Қирғизистон, Русия, Тоҷикистон ва як гурӯҳи афсарони ситоди муштараки СПАД доир мешавад.
Дар давоми "Ҷустуҷӯ-2022" нирӯҳо ташкил ва баргузории корҳои иктишофиро таҳия мекунанд. "Эшелон-2022" ба рушди ҳамлу нақл ва "Таомул-2022" таҳияи амалиёти маҳаллисозии низои мусаллаҳона дар минтақаи амнияти дастаҷамъӣ дар Осиёи Марказиро пешбинӣ мекунад.
Дар ин тамринот бори нахуст воҳидҳои нави нерӯҳои дастаҷамъӣ - таъсиси муштараки РКБ оид ба ҳимоя ва таъмини тиббии СПАД ширкат хоҳанд кард, гуфта мешавад дар гузориш.