ДУШАНБЕ, 18 июн — Sputnik. Ҳеҷ кас набояд ба он шубҳа дошта бошад, кӣ ба нерӯҳои амниятии Украина дар таъмини маводи мухаддир ба Русия кумак мекунад.
Дар ин бора сухангӯи Вазорати умури хориҷии Русия Мария Захарова гуфт.
Захарова қайд кард, ки хадамоти махсуси Украина ҷинояткорони эҳтимолиро дар қаламрави кишварашон пайдо карда, онҳоро бо пул ва таҷҳизот таъмин кардаанд, то дар Русия маводи мухаддир паҳн кунанд, менависад РИА "Новости".
"Аз афташ, таваҷҷӯҳ ба кор бо ҷавонон буд, аз ин рӯ, украиниҳо ба ҷои афюнҳои классикӣ маводи синтетикиро тақсим мекарданд, ки дар байни наврасон муд аст. Албатта даромад на ба дасти паҳнкунандагони он, ки бо кушта шудани наздиконашон тарсонида шудаанд), балки ба чанголи нерӯҳои Украина рафт", - навиштааст Захарова дар шабакаи Telegramm-и худ.
Вай инчунин қайд кард, ки "ин техникаҳо нав нестанд." "Дар асри XIX Ғарб бо мақсади ба даст овардани афзалиятҳои тиҷории ниммустамликаӣ ба фурӯши афюни ҳиндӣ дар байни чиниҳо шурӯъ кард, ки ин, албатта, ба ҳукуматдорони Пекин писанд наомад.
Чин кӯшиш мекард, ки кортелҳои маводи мухаддири Бритониёро маҳдуд кунад.
"Ба гумон аст, ки дар Украина таърихи густариши маводи мухаддири Ғарб ба Шарқро ин қадар хуб намедонанд ва аз ин рӯ, касе набояд шубҳа дошта бошад, ки кӣ ба нерӯҳои амниятии Украина барои интиқоли маводи мухаддир ба Русия кумак мекунад", - хулоса кард Захарова.
Ба гуфтаи вай, сухан дар бораи ҷанги эълоннашуда меравад, ки хадамоти вижаи Украина аз соли 2014 ба ин сӯ алайҳи Русия мебарад.
Вай маълумотеро мисол овард, ки тибқи он дар соли 2014 маводи мухаддири синтетикӣ танҳо 5% гардиши ғайриқонунии маводи мухаддирро ташкил дод ва дар соли 2021 аллакай 60% шуд. Захарова гуфт, украиниҳо таъминкунандаи асосии маводҳои синтетикӣ гардиданд.