ДУШАНБЕ, 16 июн — Sputnik. Дар давоми панҷ моҳи соли ҷорӣ ба буҷаи Тоҷикистон аз ҳисоби содироти нерӯи барқ беш аз 26 миллион доллар ворид шудааст. Дар ин бора "Авесто" бо такя ба омор менависад.
Ҳамин тариқ, аз моҳи январ то майи соли 2022 ҷумҳурӣ ба кишварҳои дигар ба маблағи беш аз 24 миллион доллар нерӯи барқ фурӯхтааст.
Ин рақамҳо нисбат ба ҳамин давраи соли 2021 - 10% зиёдтар аст. Афғонистону Ӯзбекистон харидорони асосии нерӯи барқи Тоҷикистон гуфта мешаванд.
Вазорати энергетика ва захираҳои оби Тоҷикистон тавзеҳ дод, ки аз аввали соли 2022 дар ҷумҳурӣ беш аз 8,4 миллиард кВт/соат нерӯи барқ тавлид шудааст.
Ин назар ба соли гузашта 3,5 фоиз зиёд аст. Беш аз 7,6 миллиард киловатт-соати ин ҳаҷм ба ГЭС-ҳо рост меояд.
Дар навбати худ истгоҳҳои гармидиҳӣ 805 миллион киловатт-соат нерӯи барқ тавлид кард. Дар ин навъи истеҳсолот, ҳосилнокӣ нисбат ба ҳамин давраи соли 2021-ро 18,4% коҳиш ёфт.
Ахиран маълум шуд, ки Тоҷикистон содироти нерӯи барқи нерӯгоҳи Роғун ба Ӯзбекистонро оғоз мекунад.
Намояндагони ду давлат аллакай меморандуми дахлдор имзо кардаанд. Ҳоло Тоҷикистон бо ба кор андохтани агрегатҳои ГЭС-и Роғун машғул аст. Содироти нерӯи барқ шартан аз тобистон оғоз мешавад.
Созишномаи ниҳоӣ оид ба таъминот, ҳаҷм ва тарифҳо то охири соли 2022 ба нақша гирифта шудааст. Интизор меравад, ки ҳуҷҷат метавонад барои 10 сол баста шавад.