Тими Тоҷикистонро дар Душанбе чӣ гуна пешвоз гирифтанд?

Мухлисону мақомдорони риштаи варзиш дар Тоҷикистон бо гулдаста, шиору овеза ва рақсу суруд тими миллии футболи кишварро истиқбол гирифтанд.

1 / 12

Тими миллии футболи Тоҷикистон бо роҳхат ба Ҷоми Осиё - 2023 ба Душанбе баргашт.

2 / 12

Дар толори пешвози меҳмонҳои воломақом футболбозонро роҳбарони соҳаи варзиш ва Федератсияи футболи Тоҷикистон пешвоз гирифтанд.

3 / 12

Аз ҷумла раиси Кумитаи ҷавонону варзиши Тоҷикистон, Абдулло Раҳмонзода низ дар феҳрасти пешвозгирандаҳо буд.

4 / 12

Акси хотиравӣ ҷузъи қисмате аз маросими пешвози футболбозон буд.

5 / 12

Мухлисон, аз хурд то бузург футболбозонро дар берун аз фурудгоҳ мунтазир буданд.

6 / 12

Ҷамъомадагон бо овезаҳо аз футболбозон истиқбол гирифтанд.

7 / 12

Рақсу суруд ба истиқбол аз тими миллӣ баргузор шуд.

8 / 12

Петр Сегрт, сармураббии тими миллии Тоҷикистон дар риштаи футбол ҳамроҳи мухлисон рақсид.

9 / 12

Истиқбол аз тими миллии Тоҷикистон дар риштаи футбол дар фурудгоҳи байналмилалии Душанбе

10 / 12

Дар маросими истиқбол ҷамъомадагон бо бардоштани парчами давлатӣ аз ифтихорашонро аз тими миллӣ баён доштанд.

11 / 12

Истиқбол аз тими миллии футболи Тоҷикистон дар фурудгоҳи Душанбе баъди гирифтани роҳхат ба ҶО - 2023

12 / 12

Сипас футболбозони тими миллӣ бо автобус, ки навтиштаҷоти "Мо ба Ҷоми Осиё - 2023" меравем ба сайри Душанбе баромаданд.

Маврид ба зикр аст, ки тимҳои миллии Тоҷикистону Қирғизистон бозии ниҳоияшонро дар гуруҳи "F" шоми 14 июн дар Бишкек мусовӣ бидуни гол анҷом доданд.

Бар асоси натиҷаи ин сабқат, мунтахаби Тоҷикистон аз мақоми аввали гуруҳи "F" ба Ҷоми Осиё - 2023 меравад, ки нахустин бор дар таърихи футболи кишвар мебошад.

Маврид ба зикр аст, ки қисмати ниҳоии мусобиқоти Ҷоми Осиё - 2023 аз 16 июн то 16 июли соли 2023 ба нақша гирифта шудааст. Қарор дар бораи дар куҷо баргузор шудани 18-умин Ҷоми Осиё дар ҷаласаи Кумитаи иҷроияи Конфедератсияи футболи Осиё рӯзи 17 октябр қабул мешавад.

Истиқболи тими Тоҷикистон дар фурудгоҳи Душанбе - аксҳо