ДУШАНБЕ, 13 июн – Sputnik. Аз аввали соли ҷорӣ дар маркази маъмурии вилояти Суғд шумораи иқтидорҳои истеҳсолӣ афзоиш ёфт.
Ҳамин тариқ, тибқи маълумоти расмии мақомоти иҷроияи ҳокимияти давлатии шаҳри Хуҷанд, дар соли 2020 дар шаҳр 165 корхона ва дар соли 2021 - 174 корхона фаъолият доштанд.
Дар панҷ моҳи соли 2022 шумораи иқтидорҳои истеҳсолӣ ба 177 корхона расид. Дар натиҷаи фаъолияти ин корхонаҳои истеҳсолӣ ҳаҷми истеҳсоли маҳсулот дар соли 2022 аз 24 то 29 фоиз афзуда, 562 миллион сомониро ташкил дод.
Барои муқоиса, дар соли 2020 корхонаҳои шаҳр ба маблағи беш аз 1 миллиону 492 миллион сомонӣ, соли 2021 қариб 1 миллиону 509 миллион сомонӣ маҳсулот истеҳсол кардаанд.
"Дар ин муддат номгӯи маҳсулоти тавлидшуда низ 35 намуд афзоиш ёфт. Дар соли ҷорӣ дар корхонаҳои шаҳр 135 номгӯи маҳсулот тавлид шудааст, ки ин ба коҳиши теъдоди маҳсулоти воридотӣ аз хориҷи кишвар мусоидат мекунад", - омадааст дар хабарнома.
Қаблан хабар дода шууд, ки дар вилояти Суғд истеҳсоли лифтҳои боркаш ва мусофирбар ба роҳ монда шудааст.
Ширкат ният дорад, ки сокинони вилоятро бо лифтҳои замонавӣ таъмин намояд.
Илова бар ин, корхона барои маъюбон эскалатору трассаторҳо ва борбардорҳои сохтмонӣ истеҳсол хоҳад кард.